Naša misija:

Zmóžnimy dopóznaća.

Twarimy astrofyziski centrum za slědźenje, technologiju a digitalizaciju do přichoda pokazowaceho programa slědźenja a wuwića. Nimo toho tworimy zakłady za jutřišu towaršnosć.

Wotewrjamy nowe wokna do swětnišća.

Přeslědźimy zakładne struktury swětnišća a zwjazamy cyły spektrum najwšelakorišich kosmiskich informacijow. Wobdźělimy so na mjezynarodnych wulko obserwatorijach. Na tute wašnje rozšěrjamy astronomisku wědu swěta a zawěsćimy načolnu poziciju Němskeje w mjezynarodnej astrofyzice.

Honimy postup.

Wuwiwamy nowe technologije a ćěrimy inowacije doprědka. Tak stworimy dźěłowe městna přichoda w regionje a zawěsćimy technologisku suwerenitu Němskeje a Europy.

Naša digitalizacija je zelena.

Wodźimy prudy informacijow astronomiskich obserwatorijow wokoło globusa do cyłka a wuwiwamy nowe metody za resursy škitace ličenje. Tak tworimy digitalnu změnu towaršnosće a škitamy wobswět a zawěsćimy runočasnje derjeměće a postup.

Zaručamy wuskutk wědy.

Staramy so wo transfer wědy a technologije a dźělimy naš know-how. Dźěłamy we wuskich regionalnych, narodnych a mjezynarodnych a interdisciplinarnych syćach a smy tak magnet za nowo zasydlenje industrijow a zarodk za spin-offs a start- ups.

Spěchujemy dorost.

Zahorjamy za přirodowědu a techniku a złožujemy so na kubłanje wot pěstowarnje a šule přez wukubłanje hač k wysokej šuli. Tak tworimy naslědne perspektiwy za młodych ludźi w regionje a zawěsćamy potrjebu na fachowcach.

Smy centrum w regionje Łužica.

Stanjemy so z centrumom z mjezynarodnym wuprudźenjom, kotryž je wusko zakótwjeny w regionje a kotryž słuži k tomu, wutworić identitu. Zhromadnje z partnerami z wědomosće, politiki, ciwilneje towaršnosće a čłowjekami na městnje staramy so wo stajny postup strukturneje změny.