DZA na 19. „Deutsche Luft- und Raumfahrtregionen“ dnju w Drježdźanach
Astrocentrum Łužica (DZA) je so na 19. „Deutsche Luft- und Raumfahrtregionen“ dnju prezentował. Lětsa steješe wón pod hesłom „Přichod započnje horjeka“ a wotmě so w Drježdźanach. W srjedźišću zarjadowanja steještej zwjazkowej krajej Sakska a Durinska – wuznamnaj ćěrjakaj němskeje powětroweje a swětnišćoweje branše.
„Dźeń je pokazał, kak wažna je wotewrjena wuměna mjez wědomosću, hospodarstwom a politiku.
Wjeselimy so nad wulkim zajimom na našich konceptach za datowe infrastruktury a wuwiće
technologije“, tak Barbara Leszczyńska z Centruma za inowaciju a transfer při DZA.
Transfer njeje jednostronski proces, ale zwjazany ekosystem. DZA předstaji, kak zakładne slědźenje
impulsy za wuwiće nowych datowych a technologiskich infrastrukturow sadźi. Wosebje sylnje
naprašowane běchu koncepty k datowym infrastrukturam za astrofyziku, k wuwiću nowych
technologijow a natwarej labora Low Seismic Lab we Łužicy.
Astrofyzika njedodawa jenož wotmołwy na fundamentalne prašenja uniwersuma, ale twori zdobom technologije, kotrež žiwjenje na zemi wolóža. Z tym chce DZA strukturnu změnu we Łužicy přez ekscelentne slědźenje a inowacije aktiwnje sobu wuhotować.
DZA dźakuje so organizatoram, partneram a wšitkim rozmołwnym partnerkam a partneram za inspirěrowacu wuměnu a drohotne impulsy. Dźeń je pokazał: Přichod nastawa w dialogu – a w zhromadnym transferje.