DZA załoži zahoritosć z astro-přednoškom na Žitawskej dźěćacej akademiji

Při dźěćacej akademiji w Žitawje su so 198 šulerjo třećeho a štwórteho lětnika do potajnstwow uniwersuma zanurili. Christian Stegmann wza młode připosłucharki a młodych připosłucharjow sobu na jězbu wot našeho słónčneho systema hač ke koliziji čornych dźěrow.

Astrodźělćkowy fyzikar pokazaše, kak grawitaciske žołmy rum zatřasu. Z wobrazami a rozjasnjenjemi budźeše fascinaciju za astrofyziku. Přednošk wuwabješe dźěćom napjate prašenja kaž: „Kak nastawa čorna dźěra? ”, „Njeje uniwersum wulka čorna dźěra? ”, „Što so stanje, hdyž dwě hwězdźe koliděruja?".

Wšitke prašenja njehodźa so hižo nětko wotmołwić. Ale snano su prašenja wot dźensa motiwacija za jutře a přičina so astrofyzice, datowej wědomosći abo wuwiću technologije wěnować. Wšako chce tež DZA wotmołwam kusk bliže přińć.

Nawoda dźěćaceje akademije, Frank Schneider, praj k wječorej w Žitawje: "Astrofyzika, kotraž za zakładne slědźenje esencielne prašenja naćisnje a wažne wotmołwy dodawa a nimo toho jara fascinuje, pokazuje we wosebitym: wědomosć zahorja.“ Dźěćaca akademija w Žitawje je jednorěčna. Jeje pendant w Zhorjelcu wotměwa so dwurěčnje, němsce a pólsce a wusměri so na dźěći z wobeju krajow. Akademijowe programy organizuja so wot Wysokeje šule Žitawa / Zhorjelc a wot Senckenberg muzeja za přirodowědu w Zhorjelcu.