Lětniša schadźowanka Astronomiskeje towaršnosće nawróći so po 100 lětach do wutroby Europy

Wot 15. do 19. septembra 2025 wuhotuje Astrocentrum Łužica (DZA) w Zhorjelcu mjezynarodnu lětnu schadźowanku Astronomiskeje towaršnosće (AG) pod titulom "The restless Universe". Z tym wotměje so prěni raz po 100 lětach zaso lětna schadźowanka Astronomiskeje towaršnosće (AG) w Sakskej – naposledk schadźowaše towaršnosć 1924 w Lipsku.

Centralna tema schadźowanja je časowa domena – a z tym "njeměrny uniwersum" sam. Měnjene su astrofyzikaliske procesy, kotrež so w běhu časa přeměnja: wot krótkožiwych podawkow kaž supernovae abo wubuchnjenja gamma-pruhow hač k dołhodobnym wuwiću hwězdow a galaksijow. Schadźowanje skića wědomostnicam a wědomostnikam platformu za intensiwne diskusije wo aktualnych dopóznaćach a prašenjach w astrofyzice. Dohromady je so něhdźe 200 wobdźělnikow z cyłeje Němskeje přizjewiło.

Prof. dr. Stefanie Walch-Gassner, prezidentka Astronomiskeje towaršnosće pokazuje so zahorjena wo městnje přewjedźenja lětušeho schadźowanja: "Wjeseli mje cyle wosebje, zo móžemy lětušu lětnišu schadźowanku Astronomiskeje towaršnosće na stejnišću noweho DZA přewjesć. DZA budźe wažny nowy staw za astrofyziku w Němskej a wosebje za multi-messengerowu astrofyziku. Lětuša schadźowanka skići idealnu składnosć, wuměnu mjez wšelakimi astrofyzikaliskimi communitijemi zesylnić a zhromadnje wědomostne perspektiwy wuhotować, kotrež so z DZA wotewrja.„

Günther Hasinger: "Ekscelentna wědomosć je we Łužicy doma"

Günther Hasinger, wědomostny jednaćel wjeseli so na to, astronomisku towaršnosć w Zhorjelcu witać: „To je sylny signal, zo mjezynarodne fachowe zhromadźenstwo lětsa w Zhorjelcu schadźuje. Zhromadźizna podšmórnje, zo móže ekscelentna wědomosć we Łužicy doma być. Wjeselimy so, z AG2025 najnowše wuwića w astrofyzice prezentować kaž tež Łužicu jako rosćacy inowaciski a wědomostny region widźomnu sčinić.“

Schadźowanje wopřijmje bohaty program z plenarnych přednoškow, splinternych zetkanjow, spožčenja myta, jedneho "Townhall-meetinga" k strategiji 2040 Europskeje južneje hwězdarnje (Europäischen Südsternwarte ESO) a posterowe prezentacije.
Zhromadne wobjedy z Astro-Frauen-Netzwerk (srjeda) a Astro-Diversity-Netzwerk (štwórtk) skića rum za wuměnu a skrućenje syćow mjenje widźomnych skupinow w astronomiskej zhromadnosći. Nimo toho dawa dalši update k "Denkschrift", kotryž wotbłyšćuje strategiske planowanje astrofyziki w Němskej.

Hłowne zarjadowanišćo je kulturny forum Zhorjelska synagoga. Dalše městnosće zarjadowanja su Wicherhaus, Benigna, młodownja, Šleski muzej a kubło při jězoru. Nadrobny program namakaće na webstronje AG2025.