Dalši měznik je zdokonjaty - za Němsku a wosebje tež za DZA we Łužicy: Němska je wot 1. nowembra 2024 čłon Square Kilometer Array obserwatorija (skrótka: SKAO).

Němskim slědźerkam a slědźerjam wotewrjeja so nětko cyle nowe móžnosće na polu radijoweje astronomije. Woni wobdźěluja so při natwarje najwjetšeje radijo-teleskopoweje-syće w Južnej Africe a Awstralskej. Teleskopy budu daty z dalinow swětnišća nahrawać a předźěłać. Wolumen datow přesahuje wulkosć dźensnišeho interneta. To wužaduje wuwiće cyle nowych sensorow a ličenskich metodow kotrež tež nałožowanja zwonka astrofyziki slubja.

A my wot DZA smy pódla! Daty budu so w přichodźe na jednej z našich supercomputerowych zarjadnišćow zjednoćić a předźěłać. To dźe jenož we wuskim zhromadnym dźěle z ekscelentnymi partnerami z wědomosće a hospodarstwa kaž Max-Planck-Gesellschaft, OHB Digital Connect GmbH a wězo ze SKAO.

Tohodla wjeselimy so tež hobersce, klětušu wědomostnu konferencu SKAO, w juniju 2025 w Zhorjelcu, jako hosćićel wuhotować směć.