Na čole dopóznaćow
Astrofyzika so dźeń a bóle wupřestrěwa. Přikładne dopokazy za to su Nobelowe myta w minjenym lětdźesatku. Dźensa stejimy na proze k zasadnje nowym dopóznaćam wo přirodźe a zakładach swětnišća. Astrofyzika zwjazuje wšitke fasety modernych technologijow a je ćěrjaca móc wědomostneho wuwića. Załoženje Němskeho centruma astrofyziki (DZA) z mjezynarodnym wuprudźenjom je wažny impuls za do přichoda pokazowaceje změny we Łužicy.
Centrum inowacije a transfera
Jedyn stołp koncepta transfera DZA su zažne, wuske kooperacije z industriju, uniwersitami a slědźenskimi organizacijemi zwonka uniwersitow, w kotrychž so zhromadnje w mjezsobnej zwjazanosći nowe technologije wuwiwaja. W DZA je moderny transfer wot spočatka sem organizowany, nimo klasiskeho linearneho transfera eksistuje tež na wuslědk orientowany transfer. Transfer je jako zakładny nadawk w strukturje centruma zakótwjeny (centrum za inowaciju a transfer, CIT). Nic jenož na jedyn wobłuk wusměrjeny być, je při tym sylnosć, kotraž zaruča, zo móžemy dołhodobnje relewantnje skutkować. DZA je dźěl daloko sahaceje syće transferowych partnerow, wot małych srjedźostawskich zawodow hač k najwjetšemu zhotowjerjej chipow w regionje.
